Acha Telugu Bashara Lyrics - Superheroes Movie Lyrics

చిత్రం : సూపర్ హీరోస్ (1997)
సంగీతం : మణిశర్మ
గీతరచయిత : ఎ.వి.ఎస్.
నేపధ్య గానం : బాలు, సుజాత

పల్లవి:
అచ్చ తెలుగుభాషరా అమ్మంటే
అచ్చు వేద ఘోషరా అమ్మంటే
ఆప్యాయత కంచంలో అనురాగంలా
తొలి అన్నం ముద్దరా అమ్మంటే
ఆత్మీయత ఫలకంపై అనుబంధంలా
తొలి అక్షర ముత్యంరా అమ్మంటే...
అచ్చ తెలుగుభాషరా అమ్మంటే
అచ్చు వేద ఘోషరా అమ్మంటే

చరణం 1:
ఆకసాన సృష్టికర్త బ్రహ్మరా...
అవనిమీద సృష్టికర్త అమ్మరా ||2||
గోదారి కాశ్మీరం ఓ తిరుపతి క్షేత్రం
నీధ్యాసే నిరంతరం ఇదే అమ్మ గోత్రం
అమ్మంటే స్వచ్ఛమైన శ్వాసరా
అమ్మంటే స్పష్టమైన యాసరా
అచ్చ తెలుగుభాషరా అమ్మంటే
అచ్చు వేద ఘోషరా అమ్మంటే...
ఆప్యాయత కంచంలో అనురాగంలా
తొలి అన్నం ముద్దరా అమ్మంటే
ఆత్మీయత ఫలకంపై అనుబంధంలా
తొలి అక్షర ముత్యంరా అమ్మంటే...

చరణం 2:
అమ్మపాట మానవాళి జాతీయగీతం
అమ్మమాట ఆవుపాల జలపాతం ||2||
పాలతోటి మురిపాలు
ఇదే అమ్మ స్థన్యం
ప్రేమ కరుణ, జాలి, దయ..
ఇవే అమ్మ సైన్యం
అమ్మంటే జనజీవన వేదమురా...
అమ్మంటే మరో ప్రణవనాదంరా..
అచ్చ తెలుగుభాషరా అమ్మంటే
అచ్చు వేద ఘోషరా అమ్మంటే...
ఆప్యాయత కంచంలో అనురాగంలా
తొలి అన్నం ముద్దరా అమ్మంటే
ఆత్మీయత ఫలకంపై అనుబంధంలా
తొలి అక్షర ముత్యంరా అమ్మంటే...